Menu

Spørgsmål & Svar

You are here

Atuinerma nakkutiginissaanut suut periarfissaraakka?

Mobilinnut internetinnullu atuisuuffigisannut atuinernik nakkutilliissusiisinnaavutit. 
 

Atuinermik nakkutilliineq qanoq ilillunga allanngortissinnaavara?

Mit.telepost.gl-imut iserit ”se abonnement”-ilu toorlugu. Atuininnik nakkutilliinerpit allanngortinnissaanut ikiortariaqaruit quppernerup aterpiaani ilitsersuuteqarpoq qanoq iliorlutit allanngortitsisinnaaninnut. 
PBS-imut nalunaarutigisimaneq qanoq paasisariaqarpa?
PBS tassaavoq Betalingsservicemut nalunaarutigineqarneq, akiligassatillu illit nammineq akileriartortarunnaassavatit BPS-ikkoorlugit akilerneqartalissammata. Nalunaarutiginerup qaammatit pingasut angullugit sivisussusilimmik utaqqiffiusinnaanera eqqumaffigissavat. PBS-ip atuutilernissaata tungaanut akiligassat pisarnittut akilertarallassavat. 
 

Qanoq pisoqassava akiligassara PBS-imut nalunaarutiginngikkukku?

Akiligassat PBS-imut nalunaarutiginngikkukku, qaammatit tamaasa girokorti akileriartortuassavat. Girokortip TELE-POST Centerit arlaanni akilerneranut saniatigut akiliutigineqartarpoq 39 DKK.
 

Mit.telepost.gl-ikkut PBS-imut qanoq iliorlunga nalunaarutigissaanga(privatkunder)?

Mit.telepost.gl-imut iserit iserfissarlu ”regninger” iserfigalugu, tassani PBS-imut nalunaarutigisinnaavutit. CPR-nr.-t allattussavat, nalunaarutiginermut normut aammalu kontonormut. Atuisutut normut aamma PBS-imut normut immersorneqareerput.
 

PBS-imut nalunaarutigisimaneq sukkut iluaqutaaffeqarpa?

Iluaqutaaffigaa akiligassavit nammineertumik ilanngaatigineqartarnerat, taamaalillutillu akiligassannik kingusinaarlutit akiliineq pinngitsoorsinnaavat. Aamma girokort atorlugu akiliininni saniatigut akiliuteqarneq akissaajaatigiunnaassavat. Akiligassannik nammineertumik akiliisarneq ingerlaannassaaq illit nammineq atuisuuninnik atorunnaarsitsinissavit imaluunniit nammineerlutit allattuinikkut atorunnaarsinnissaata tungaanut.
 

Aningaaserivimmi kontonni suut takusinnaavakka PBS-imut nalunaarutigisimaguma? 

Isumaqatigiissutinut sunut nalunaarutigisimanerpit allattorsimanerat takusinnaavat, tassunga aamma ilaavoq TELE-POST. Akiligassanni aamma takusinnaavat akiliinissaq PBS-imut nalunaarutigisimasoq.
 

Mit.telepost.gl-imi qanoq iliorlunga kontoqalersinnaavunga? 

Mit.telepost.gl-imi kontotaaleruit CPR-nr.-t imaluunniit CVR-nr.-t, sullissatut normut, atuisutut taaguutigissallugu kissaatit kiisalu kodi isertaatissaq allattussavatit. 
tooruk ”Opret nyt login” allattuiffissallu immersorlugit. 
 

Atuisutut normora piginngikkukku qanoq iliussaanga?

Atuisutut normut tigumminngikkaluarlugu atuisunngortissinnaavutit. Tooruk ”Opret nyt login”, quppernerullu aterpaani attataasaq ”Jeg har ikke et kundenummer”-imik allassimasulik takusinnaavat. Taava CPR normut aamma mobilnormu TELE-POST-imi illit atuisuuninnut atorneqartoq allattussavat.
 

Atuisutut normora sumi takusinnaavara? 

Akiligassanut allagartani TELE-POST-imiit tigusartakkanni atuisutut normut takusinnaavat. Aamma 808080-imut sianerlutit paasisinnaavat.


Isertaatiga puigorpara. 

Isertaatit puigorsimagukku ”Jeg har glemt mit login” tuussavat. Atuisutut taaguutit mobilnormullu atuisuuninni atorneqartoq allattussavatit. Taakku saniatigut isertaatissatut kissaatigisat allassavat. Kodemik allattugassannik SMS-ikkut nassinneqassaatit. Tamatuma kingorna mit.telepost.gl-imut toqqaannartumik ammaanneqassaatit. 
 

Atuisutut taaguutiga puigorpara 

Atuisutut taaguutit puigorsimagukku Atuisunik Sullissivipput 808080-imut sianerlutit attavigissavat.